Кызьы ваньмыз со вал: верало туспуктэмъёс

9-тӥ толсуре 2011 аре Ижын Калыкъёслэн эшъяськон юртазы ортчиз “Зарни вотэс – 2011″ конкурслэн йылпумъяськемезлы сӥзем церемония. Со ужрад куспын ялэмын вал вань номинантъёслэн но, валамон ини, соос пӧлысь вормисе потэмъёслэн нимъёссы. Со сярысь ми ивортӥмы ни. Али возьматэммы потэ та нуналэ лэсьтэм куд-ог туспуктэмъёсты.

Церемониез нуисьёс: Евгения Сундукова но Владимир Вахрушев.

Лыктэм куноос.

Конкурслэн финалаз потэм проектъёсын тодматскон.

Нырысетӥ интые потӥз “Дарт” проект: приз басьто Зинаида Рябинина но Алексей Шкляев.

Нимысьтыз приз – нотубук – сётэмын вал блог нуисьлы Дарали Лелилы.

Нимысьтыз приз сётэ “Владимир Романовлы сӥзем виртуальной музей” нимо сайтлэн кузёезлы Ирина Евдокимовалы Дышетон удысын ужасьёслэсь тодон-валанъёссэс будэтонъя но выльдонъя институтлэн ректорлэсь ужзэ быдэсъясь Людмила Мустаева. Со – Удмурт Республикаысь Дышетонъя но наукая министерстволэн компьютер техникаез басьтон сертификат.

Эшшо одӥгез нимысьтыз приз. Оргкомитетысь мурт Наталья Медведева, Дышетонлэн информатизациезъя но ӟечлыксэ дунъянъя республикаысь центрлэн кивалтӥсез, кузьма “Воршуд” нимо вики-проектэз нуисьёслы USB-дискъёсты.

Мукет номинатъёс асьсэлэсь призьёссэс басьтӥзы ини.

Вань проектъёс возьматэмын, ваньмыз призъёс сётэмын, ваньмыз вераноез верамын. Кутске ужрадлэн эрико люкетэз. Кырӟа Богдан Афиногенов.

Улон азинске на

“Зарни вотэс” конкурс возьматӥз: удмурт интернет – со улэп маке, солэн вань азинскон кужымез, тунсыко проектъёсыз, мылысь-кыдысь тыршись авторъёсыз. Таӵеосыз уката уно блогъёс кылдытон удысын. Конкурслэн номинантъёс но приз басьтӥсьёс пӧлын узыр, мур пуштросъем блогъёс вань уго. Бен, жаль, соос пӧлысь ваньмыз ӧвӧл ӧз басьтэ, пе, дано интыос. Но со чик уг возьматы, конкурс йылпумъяськем бере удмурт блогъёс нокинлы кулэ ӧвӧл луизы ни шуыса. Ваньмыз – мукет сямен! “Зарни вотэсмы” вырӟытыны быгатэм удмурт вебмастеръёсты, но, соос сяна, тунсыко карыны быгатӥз на удмурт пуштросъем блогъёсты та дырлэсь азьвыл соос сярысь воксё кылымтэ-тодымтэ муртъёсты.

Тани, туэ шуркынмон толэзе “Консалтингъя Донских группа” ялӥз Улосысь блоггеръёслэсь премизэс! Со выль конкурс, “Зарни вотэсэн” огвакытэ ик вордӥськем маке, шара возьматэ ӵапак со вие блогъёслэсь туж кулэ но тунсыко луэмзэс. Мае возьмало блогъёсы гожъясьёслэсь, кыӵе номинациосын но кыӵе критериосъя дунъет сётэмын луоз конкурсэ пыриськем проектъёслы – ваньзэ тае тӥ тододы тӥни со линкъя: http://donskih.ru/blogerskaya-premiya

Но тӥледыз шулдыртэме потэ: туннэ ялэмын, конкурслэн вань номинациосаз луоз на удмурт кылын гожтэм блогъёс куспын нимысьтыз вожвылъяськон! Со сярысь лыдӟе со линкъя: http://donskih.ru/regionalnaya-blogerskaya-premiya-i-dlya-blogov-na-udmurtskom

Бен, Улосысь блоггер конкурслэн выль ужъёсты басьтэмысь дугдон нуналозяз дыр трос на. Азьвыл кылдытэм блогъёс (“Зарни вотэсэ” пыриськемъёсыз но), озьы ик копак выль удмурт проектъёс одно ик та выль конкурсэ пыриськоно луо шуфса малпасько мон!

Ыстэ проектъёстылэсь даннойёссэс таӵе линкъя: http://donskih.ru/zayavka-na-uchastie-v-regionalnoj-blogerskoj-premii

Сӥзиськом тӥледлы азинлык! Мед удмурт блоггеръёс возьматозы быдэс шаермылы мар лэсьтыны быгатэмзэс!

Конкурсын вормемъёс

Кызьы азьвыл ялэмын вал, 9-тӥ толсуре 2011 аре Калыкъёслэн эшъяськон юртазы Ижын “Зарни вотэс – 2011″ конкурслэн йылпумъянъёсыз калык азьын торжественно лэсьтэмын вал. Кызьы со ужрад ортчиз, пыр-поч мадёмы на бергес, но али шара вераме потэ вормисьёслэсь нимъёссэс.

Нырысетӥ инты басьтэм “Удмурт дунне” газетлэн егитъёслы сӥзем “Дарт” бамез.

Кыкетӥ интыосы потӥллям егитъёслэн “Инвожо” журналзылэн сайтэз но Григорий Григорьевлэн “Гожъяськы шонер” сайтэз.

Куинетӥ интыосы потӥллям Ирина Евдокимовалэн “Владимир Романовлы сӥзем виртуальной музеез”, Ксения Ворончихиналэн “Чимали” блогез но Евгения Сундуковлэн но Владимир Вахрушевлэн “Нёжало шаере” сайтсы.

Нимысьтыз пусъёмын вал Дарали Лелилэн блогез но Национальной библиотекаысьтымы “Воршуд” вики-проект.

Конкурс йылпумъяське

Дуно эшъёс!

1 толсуре 2011 аре удмурт егитъёслэн сайтъёссылэн “Зарни вотэс – 2011″ конкурсазы пыриськыны сётэм заявкаосты эскеремысь Оргкомитет дугдӥз ни. Вылӥ верам нуналлэсь бергес вуэм заявкаос (таӵеесь вал, жаляса верано луиськом) санэ басьтэмын ӧй вал.

Конкурслэн номинантъёсыз ӧжыт ӧвӧл – 32 интернет-проект. Заявкаос талэсь тросгес ик сётэмын вал, но соос пӧлысь ваньмыз ӧвӧл быгатӥллям конкурслэн финалаз вуыны. Оргкомитет пуктэмъя, конкурсантъёслэсь мылкыдзэс лыдэ басьтыса но, куинь номинациос борды ватсамын вал на ньылетӥез: али “Удмурт блог”, “Шаер тодонъя сайт” но “Усточисолэн сайтсы” шуыса нимам номинациос борды ватсаськиз на “Кыл но кылос”.

Али, конкурслэн Положениезъя ик, номинантъёсты эскере Жюри. Профессионал синмын, рос-прос учкемзы бере жюриос ответ сётозы: кин кужмогес луэм? Тае асьмеос но тодомы 2011 аре 9 толсуре.

Тани соос, “Зарни вотэс – 2011″ конкурслэн номинантъёсыз:

“Удмурт блог” номинациын:
http://daralileli.blogspot.com Дарали Лели
http://eludmorto.blogspot.com El Udmorto
http://chichpoton.ru Чичпотон — удмурт эротика, секс но яратон
http://kyshnomurt.ru Егит кышномуртлэн блогез
http://chimali.ru Чимали — горд йырсиё нылашлэн блогез
http://sankobatyr.ru Санко Батыр калыклы матын
http://ladamiri-lari.livejournal.com Ladamiri Lari утчан-малпан
http://cheskyt.ru Ческыт мед кошкоз
http://udmafisha.blogspot.com Удмурт афиша
http://kyldysin.blogspot.com Kyldysin
http://udmshundy.ru УМОО «Шунды»
http://udmmanulon.blogspot.com Ӟенелик

“Усточиослэн сайтсы” номинациын:
http://aikai-folk.com Сайт национального удмуртского театра «Айкай»
http://cheber.tumblr.com Чебер но мусо
http://dm-iz.com/blog «КАЛЫК ТВОРЧЕСТВОЯ ЭЛЬКУН КОРКА – ЕГИТЪЁСЛЭН ЮРТСЫ»
http://invozho.ru Журнал «Инвожо»
http://irinaewdo.narod2.ru Владимир Романовлы сӥзем виртуальной музей
http://nadimy.narod.ru Nadi Mush
http://shuldyr-jyt.blogspot.com Шулдыр ӝыт
http://udmdunne.ru “Газета «Удмурт дунне» / Молодёжное приложение «Дарт»
http://uzy-bory.ru Узы-Боры.ру
http://vkontakte.ru/club7752916 Серемтусъёс
http://vkontakte.ru/mylkyd Мылкыд-йӧлпыд

“Шаер тодонъя сайт” номинациын:
http://kamsckie-zori.narod2.ru Кам ӟардонъёс
http://krayeved.blogspot.com Нёжало шаере
http://svetozarevo.ru Сайт МКОУ СОШ д. Светозарево
http://tallinnkar.blogspot.com Nadi Mush
http://udm.fo.ru Варклед-Бодья
http://vorshud.unatlib.org.ru Воршуд

“Кыл но кылос” номинациын:
http://kylkebit.blogspot.com Удмурт кыл кебит
http://udmspell.ru Гожъяськы шонер
http://udmurtkyl.blogspot.com Udmurt kyl

Калык творчествоя элькун корка – егитъёслэн юртсы.

Dm-iz.com/blog – Вотэсбам валтӥсь мерттэтъёсыз ивортон но лулчеберет удысъёсъя элькун ёзэсъёсты герӟан, ӵошен ужпумъёс пуктон но соос бордын ужан понна кылдытэмын. Озьы ик вотэсбам юрттэ лулчеберлыкез утьыны но азинтыны сое чеберлыко выльпӧрет пыр. Continue reading Калык творчествоя элькун корка – егитъёслэн юртсы.

Кылдысин

Kyldysin.blogspot.com – «Одӥг удмурт пияшлэн улонысьтыз, дунне шоры учкемез но шӧдэмез сярысь пичияк вотэс дунне. Югыт Кылдысинлэсь адӟем карыны тыршись мурт»

«Кылдысин» – пинал удмурт блог, кудӥз лэсьтэмын коньывуон толэзе 2011 арын. Кӧня ке толэзь куспан солэн авторез Анисимов Коли туж трос материалъёсын, гожъямъёсын узырмытӥз ни. Та удмурт блог кулэ тунсыкъяськытыны адямиосыз, кудъёсыз удмурт кылэз, лулчеберетэз гажало но утё. Continue reading Кылдысин

Nadimy

Nadimy.narod.ru – Мон понна дуннеысь чеберез инты – со Дор, кыӵе но йырпоромымон выль мед луозы Сюресъёс, – ваньзы соос доре берто Нади Муш. Continue reading Nadimy

UDMURT KYL

Udmurtkyl.blogspot.com – Таиз вотэсбам сӥземын удмуртъёслы эстон кылэз, нош эстонъёслы удмурт кылэз дышетон понна. Солэн кылдытӥсез удмурт гожъяськись, кылбурчи но берыктӥсь Nadi Mush. Continue reading UDMURT KYL

Нёжало шаере

krayeved.blogspot.com – «Мон котьма вакытэ буйгасьтэм сюлмыным вордӥськем музъемме данъяло!»

«Нежало шаере» вотэсбам кылдытэмын удмурт студенъёсын шуркынмон толэзе 2011 арын, тани мар соос гожто асьсэос сярысь:
«Ми удмурт нылъёс но пиос – Удмурт шаерез яратӥсьёс. Котькудмылэн вань вордскем гуртмы,милемлы гинэ дуно но сюлэмез шунтӥсь интымы. Со сярысь милям тӥленыды вераськеммы потэ». Continue reading Нёжало шаере